நான் – உறக்கம்
நீ – கனவு
உன் வரவுக்காகவே
விடிய விடியத்
தூங்குவேன்
*
என்னைத் தொலைக்காமல்
உன்னைத் தேடினேன்
என்பதில் பெருமை எனக்கு
என்னை நான் தேடவே நீ
கிடைத்தாய் என்பதில்
பெருமை உனக்கு
*
என் சொந்தங்களில் நான் தான்
முதல் கவிவாசகன் என்பதில் சிறிய
கவலை எனக்கு
இதுவரை யாருமே உன்னை
பார்த்து யார் எழுதியது என்று
விசாரித்ததில்லையே
*
உன் தாயைப்போல்
என் நேரமும்
உன்னைக் கவனிக்க
என்னால்
முடியாமல் போனாலும்
உன்னைக்
காணத நேரங்களில்
தாயாக நான் ஏங்கித்
தவிப்பதுண்டு
*
உனக்காக காத்திருந்தால்
என் கால்கள் வலிப்பதில்லை
என் மனசு ஏறி நிற்பதால்
என் தலைதான் வலிக்கும்
-யாழ்_அகத்தியன்
1:14 பிற்பகல் இல் ஜூன் 20, 2008 |
புகைப்படத்துடன் கவிதைகள்-அருமை.ரஸித்தேன்.
2:27 பிற்பகல் இல் ஜூலை 3, 2008 |
அகத்தியன் உங்கள் கவிதை படித்தேன் அற்புதம் தொடரடும் உங்கள் கவிதை